Янги мавсумда ўз олдига жиддий мақсадларни қўяётган «Локомотив» жамоаси ҳар жабҳада профессионалликка интилмоқда.
Буни жамоа фан-клуби мисолида ҳам кўриш мумкин. Ҳозирда «Локомотив» фан-клубига Тошкентнинг «Бунёдкор» ва миллий терма жамоа ишқибозлар клубидаги фаолияти орқали кўпчиликка яхши таниш Одилбек Алимов етакчилик қиляпти. Клуб раҳбарияти ҳам фан-клубни астойдил қўллаб-қувватлашмоқда. Улар фан-клуб учун зарур воситалар билан таъминланишдан ташқари жамоанинг сафардаги ўйинларига олиб борилиши ҳам кўзда тутилган.
Дарвоқе, кимда ким «Локомотив» фан-клуби аъзо бўлишни истаса, +99897-7387143 ҳамда +99897-7484575 рақамларига қўнғироқ қилиб, керакли маълумотларни олиши мумкин. Ҳа айтганча, 4 мартдан бошлаб ҳар якшанба куни соат 11:00да ТТЙМИ стадионида «Локомотив» фан-клубининг йиғилиши ўтказилади. Фан-клубга янгидан аъзо бўлиш истагидаги ҳамшаҳарларимиз эса ўзлари билан икки дона 3х4 ўлчамдаги фотосурат, паспорт (ёки туғилганлик ҳақидаги гувоҳнома) нусхаси ва ўзининг координаталари билан келишлари лозим.
