Италия чемпионати 9-туридан ўрин олган учрашувда "Рома" "Наполи" билан дуранг ўйнади (0:0).

Римликлар бош мураббийи Жозе Моуриньо ўйин натижасига тўхталиб ўтди ва ўйин охирида ўзига берилган қизил карточка ҳақида гапирди.

“Нега менга қизил карточка берилганини билмайман. Мен фақатгина ҳакамнинг бир фикрга қўшилмадим, лекин ҳеч қандай ҳақорат қилганим йўқ эди. Бироқ, менимча, ҳакам баҳсда яхши ишлади.

Бу ажойиб ўйин бўлди. Адолатли натижа. Ҳаммага қийин бўлди. Ўйин юқори савияда, шиддат, концентрация ва рақибга ҳурмат билан ўтди. Ҳеч қайси жамоа уйга тўлиқ хурсанд бўлиб қайтмаяпти, аммо натижа объектив бўлди деб ўйлайман", - деди Моуриньо.

"Рома" 16 очко билан А серия турнир жадвалининг 4-поғонасида бормоқда. Жозе Моуриньо шогирдларининг навбатдаги ўйини 27 октябрь куни "Кальяри" билан сафарда кечади.