«Ливерпуль» ҳужумчиси Муҳаммад Салоҳ кеча «Манчестер Юнайтед»га қарши ўйинда хет-трик қайд этиб, Англия Премьер-лигаси рекордини ўрнатди. Учрашув «Олд Траффорд» стадионида бўлиб ўтди ва мерсисайдликларнинг йирик 5:0 ҳисобидаги ғалабаси билан якунланди.
Мисрлик ҳужумчи Премьер-лигадаги голлари сонини 107 тага етказди. Муҳаммад Премьер-лигада гол уриш бўйича африкалик рекордчига айланди. У 104 та гол урган «Челси»нинг собиқ ҳужумчиси Дидье Дрогбанинг ютуғидан ўзиб кетди.
2021/2022 йилги мавсумда Салоҳ 12 та ўйинда қатнашиб, 15 та гол ва 5 та голли узатмани амалга оширди.
