Ўзбекистон Суперлигаси 23-тури доирасидаги сўнги учрашув «Андижон» – «Насаф» ўртасида бўлиб ўтди. Бироз асабий тарзда ўтган беллашув 1:1 ҳисобида якунланди. Ўйиндаги ҳисоб 26-дақиқада мезбонлар футболчиси Василей Совпель томонидан очилди. Иккинчи тайм бошида қаршиликлар ҳужумчиси Андрия Калудерович мувозанатни тиклади. 70-дақиқада «аждарлар» гол уришганди, бироқ учрашув ҳаками тўп қўл билан ўйналди деб, голни бекор қилди. Шу вазиятдан кейин Қарши клуби устози ҳакам қароридан норози бўлиб, футболчиларини майдондан олиб кетмоқчи бўлди. Аммо, вазият тезда тушунтирилди. 89-дақиқада «Андижон» пенальти тепиш имкониятига эга бўлди, «бургутлар футболчиси» 11 метрлик жаримани голга айлантира олмади. Ўйиннинг қолган дақиқалари ҳамшу каби қизиқарли курашлар остида кечди, бироқ бошқа гол уриш ҳар икки жамоага ҳам насиб қилмади.

«Андижон» – «Насаф» - 1:1
Голлар: Совпель - 26, Калудерович - 57 (пенальти)

«Андижон» – Элдор Адҳамов, Сардор Хурсандов, Азамат Исроилов, Усмонали Исмоналиев, Абдувоҳид Ғуломов, Бахтиёр Қосимов, Павел Забелин, Василий Совпель, Фарҳод Соҳибжонов, Абдуғани Камолов, Пламен Димов.

«Насаф» – Умиджон Эргашев, Алибек Давронов (Шерзод Насруллаев, 85), Ғолиб Ғайбуллаев, Дониёр Нарзуллаев, Дилшод Саитов, Баҳром Абдураҳимов (Шоҳмалик Комилов, 77), Акмал Мозговой, Ойбек Бозоров (Суҳроб Нуруллоев, 85), Марко Станоевич, Умар Эшмуродов, Андрия Калудерович (Ҳусайн Норчаев, 77).

Огоҳлантиришлар: Бахтиёр Қосимов 54, Ҳусайн Норчаев 80.