"Реал Мадрид" ярим ҳимоячиси Лука Модрич Испания чемпионати 10-туридан ўрин олган "Барселона"га қарши баҳсда ўзининг жамоаси сафидаги 400-ўйинида иштирок этди.
"Бу ажойиб ютуқ, мен бундай натижа қайд этганимдан фахрланаман ва жуда хурсандман. Янада кўпроқ ўйин ўтказишга умид қиламан. Яна қанча вақт клубда қолишимни билмайман.
"Реал Мадрид"да бошиданоқ мен учун ҳаммаси яхши эди. Аммо эришган нарсаларимнинг ҳаммасига ҳам эриша оламан деб ҳеч ўйламаган эдим.
"Реал Мадрид"да ўйнаш орзуимни амалга оширдим. Мен бу ерда бошдан кечирган воқеалар учун миннатдорман ва биз бу билан тўхтаб қолмаймиз", - деди Модрич.
Эслатиб ўтамиз, хорватиялик футболчи 2012/13 йилдан бери "Реал Мадрид" сафида тўп сурмоқда.
