Британиялик журналист Тэйлор О’Хиггинс Белград шаҳрида бошланган бокс бўйича жаҳон чемпионатининг энг енгил вазн тоифаси (48 кг.)да қайси спортчи ғолиб чиқишини тахмин қилди.
«48 килограмм: Чорак финал босқичида катта эҳтимол билан ўзбекистонлик Нодиржон Мирзаҳмедов чорак финалда қозоғистонлик Темиртас Жусупов билан тўқнаш келади. Унда ғолиб чиққан боксчи эса ЖЧда олтин медални қўлга киритади. Мен бу тўқнашувда устунликни ўзбек спортчисига берган бўлардим. У яқин масофада рақибига нисбатан яхшироқ. Мирзаҳмедов финалгача етиб бориб, унда Қирғизистон вакили Туркбай уулуни мағлуб этади», — дея ёзди Тэйлор твиттер орқали.
Эслатиб ўтамиз, Нодиржон Мирзаҳмедов 2021 йилда Дубайда бўлиб ўтган Осиё чемпионати финалида қозоғистонлик бошқа боксчи Даниял Сабитни мағлуб этиб, ғолибликни қўлга киритган эди.
