Арсен Венгер "МЮ" устози Сульшерга маслаҳат берди. "Metro" нашри унинг сўзларидан иқтибос келтиради:
"Сиз бундай ҳолларда фақат ҳаракат қилишингиз ва умидли бўлшингиз лозим. Ўтган мавсумни тасаввур қилинг, "МЮ" "Сити"дан 11 очко ортда, аммо иккинчи ўринда мусобақани якунлади. Ваҳоланки, декабрь ойида клуб 10 ўринда кетаётган эди. Жамоа ҳали ҳеч нарсани йўқотмади. Улар АПЛда ҳам ЕЧЛда ҳам яхши имкониятларга эга. Ҳамма ҳар хил гапиради. Аммо биринчи навбатда қилинадиган иш бу клубни ва жамоани ортиқча босимдан ҳимоя қилишдир. Ҳамма ҳозирда жамоанинг инқироз ҳолатида эканини билиб турибди. Аммо қилинадиган ишлар кўп. Жамоанинг руҳиятини тўғри йўлга солиш лозим. Негаки, бу катта нарса".
Сульшер ва унинг жамоаси келаётган турда "шпорлар" майдонига сафар уюштиради.