Todofichajes порталининг хабар беришича, «ПСЖ» раҳбарияти жамоа ҳужумчиси Килиан Мбаппе клубни тарк этса, бошқа режасини амалга оширади. Манба берган хабарга кўра, парижликлар Килианга ўринбосар сифатида «Реал» ҳужумчиси Винисиус Жуниорни кўрмоқда.
Бразилиялик футболчининг амалдаги шартномаси 2025 йилнинг июнигача мўлжалланган ва футболчи 50 миллионга баҳоланмоқда.
Тўғри, «қаймоқранглилар» бундай келишувга рози бўлмаса керак, чунки улар Мбаппени ёзда текинга, эркин агент сифатида қўлга киритишни мўлжалламоқда.













