Собиқ Германия терма жамоаси аъзоси Бастиан Швайнштайгер "МЮ"даги йиллари ҳақида сўзлаб берди. У бу ҳақда "BBC"га шундай дейди:
"Мен Жозе Моуриньо қўл-остида кўп ҳам ўйнай олмаганман. Аммо уни ҳалиям қаттиқ ҳурмат қиламан. У кўплаб совринлар ютган ажойиб мутахассис. "МЮ"даги пайтларим мураккаб кечди. Аламлиси, Жозе мени нега майдонга туширмаслигини тушунтириб бермасди. Бироқ буларнинг ҳаммаси ўтмишга айланган. Ҳозир эса "МЮ" шарафини ҳимоя қилганимдан ҳар доим ғурур туяман. Жамоа мухлислари менга жуда ёқар эди. Мен у майдондаги ҳар бир лаҳзамни қадрлайман".
