"Арсенал" бош мураббийи Микель Артета жамоасининг Англия лига кубоги 1/8 финалида "Лидс" устидан қозонилган ғалабасини (2:0) юқори баҳолади.
"Биз кучли ва қийин рақибга қарши яхши ўйин ўтказдик. Ўйин қандай ўтишини ва нима қилишимиз кераклигини олдиндан тушундик ва буни тўғри амалга оширдик.
Улар ҳар доимгидек биз учун баъзи муаммоларни яратишди, лекин биз дарвозага кўп зарба бердик ва ҳимояда ишончли ҳаракат қилиб кўплаб вазиятлар яратдик. Танаффусда баъзи хатоларни тўғирладик. Шундан сўнг, янада яхшироқ ва кучлироқ ўйин ўтказа олдик", - деди Артета.
