«Бавария» яримҳимоячиси Франк Рибери 2011 йил якунлари бўйича Франциянинг энг кўп даромад қилган спортчиси бўлган, - деб хабар қилади L’Equipe Mag ўзининг тадқиқотларига таянган ҳолда.
Ўтган йилда футболчи 11,4 миллион евро ишлаб топган, унинг энг яқин таъқибчиси, «Сан-Антонио» клуби баскетболчиси Тони Паркернинг даромадлари 11,2 миллион еврони ташкил этди.
Қўшимча қилиш жоизки, ушбу рўйхатда учинчи ўрин Мадриднинг «Реал» клуби ҳужумчиси Карим Бенземага насиб этди – у 11 миллион евро ишлаб олган.
