"Бавария" ярим ҳимоячиси Корантен Толиссо жамоани эркин агент сифатида тарк этиш ниятида, дея хабар беради журналист Николо Скира.
Манбанинг хабарига кўра, 27 ёшли франциялик футболчи билан шартномани узайтириш бўйича музокаралар аллақачон тўхтатилган, футболчининг агенти футболчи учун янги клуб топиш устида иш бошлаган.
Эслатиб ўтамиз, Толиссо "Бавария" сафига 2017 йилда келиб қўшилган. Жорий мавсумда ярим ҳимоячи мюнхенликлар учун 5 ўйин ўтказиб, 1 гол, 1 голли узатмани амалга оширган. Французнинг клуб билан амалдаги шартномаси келаси мавсум ёзигача амал қилади.
