"Барселона"нинг ижарадаги ярим ҳимоячиси Миралем Пьянич ижтимоий тармоқларда Рональд Куманнинг Каталония жамоаси бош мураббийлигидан четлатилиши ҳақидаги хабарни маъқуллади.

Жорий мавсумда “Бешиктош”да ижара асосида ўйнаётган 31 ёшли ярим ҳимоячига журналист Ашраф Бен Айяднинг нидерландияликни истеъфога чиқишини эълон қилган пости ёқди.

Куман "Барселона"ни бошқараётган пайтда Пьянич жуда кам ўйин ўтказди ва шунинг учун Туркия клубига ижарага бериб юборилди. Босниялик футболчи мураббий билан муносабатлари яхши эмаслигини олдин ҳам бир неча бор айтиб ўтган.

Эслатиб ўтамиз, нидерландиялик мутахассис Ла Лиганинг 11-туридан ўрин олган "Райо Вальекано"га қарши ўйиндан сўнг (1:0) истеъфога чиқарилган эди.