Нидерландиялик мутахассис Рональд Куман "Барселона" бош мураббийлигидан бўшатилганидан кейин 12 миллион евро миқдорида товон пули олади, дея хабар беради "El Pais" нашри.
Оғир иқтисодий вазиятда Каталония клуби раҳбарияти ўзига бўлган ишончни анчадан бери йўқотган Куманнинг истеъфосини кейинга қолдиришга умид қилган эди. Бироқ чоршанба куни "Райо Вальекано"дан учралган 0:1 ҳисобидаги мағлубият клуб президенти Жоан Лапортани мураббийни ишдан бўшатишга мажбур қилди.
Эслатиб ўтамиз, Куман 2020 йил 19-август куни “Барселона” бош мураббийи этиб тайинланган эди. Голландиялик футболчи 2020/21 йилги мавсумда жамоа билан Испания кубогини қўлга киритган.
Испания чемпионатининг бу мавсумида "Барселона" 11 ўйиндан сўнг 9-ўринда бормоқда.
