Футболчи клубдаги фаолиятини давом эттиради.
Италиялик машҳур футбол журналисти Фабрицо Романонинг хабар беришича, "Интер" ўзининг аргентиналик асосий ҳужумчиси Лаутаро Мартинес билан шартномани 2026 йилнинг 30-июнигача узайтирди. Футболчининг клубда оладиган йиллик маоши борасида ҳозирча маълумотлар йўқ, дея қўшимча қилган журналист.
Янги шартномага кўра ҳужумчининг товон пули белгиланмаган. Унинг аввалги шартномасида бу сумма 111 миллион еврони ташкил этган.
Эслатиб ўтамиз, жорий мавсумда футболчи "нерадзуррилар" учун чемпионатда 9 ўйинда қатнашиб, 5 гол урди ва 1 голли узатмани амалга оширди.