"Манчестер Сити" Ромелу Лукаку билан шартнома тузмоқчи бўлган. Бу ҳақда футболчининг агенти Федерико Пасторелло айтиб ўтди:
"Менимча, ҳаммага бу гапни очиқ айтиш мумкин. Бундан бир йил аввал, Лукаку ҳали "Интер" сафида чемпион бўлмай туриб, "Ман Сити" у билан битим тузишга ҳаракат қилганди. Ҳаммаси жиддий ва аниқ руҳда кетаётган эди. Аммо охирида улар ўз ниятини ўзгартиришди. Шундан кейин, улар Ҳарри Кейнга эътибор бера бошладилар".
Лукаку "Челси"га қайтгандан бери 4 баҳсда 4 та голга муаллифлик қилган эди. У ҳозирда тўпиғидан жароҳат олиб, камида 1 ойга сафдан чиққан.