"Бавария" бош мураббийи Юлиан Нагельсманн қачон ишга қайтиши мумкинлигини айтди. Ҳозирда мутахассис коронавирусдан даволанмоқда.
"Чоршанба кунги (Германия кубогини тарк этиш) вазиятни ҳисобга олмаганда, мен яхшиман. Агар барчаси режадагидек кетса, сешанба куни Чемпионлар лигаси ўйинида жамоани ўзим бошқараман", - деди мураббий Мюнхен клуби матбуот хизматига.
Эслатиб ўтамиз, Чемпионлар лигаси 4-туридан ўрин олган "Бавария" – "Бенфика" учрашуви 2-ноябрь куни бўлиб ўтади.