"Бўрилар" январь ойида таркибини кучайтириш мақсадида Денис Закария ва Дани Себальос билан шартнома тузишмоқчи.
Италиянинг "Correira Del Sport" нашри берган маълумотларига кўра, "Рома" бош мураббий Жозе Моуриньонинг илтимосига кўра қишки трансферлар ойнасида бирданига икки нафар ярим ҳимоячи билан шартнома тузиш ниятида. Асосий вариантлар, Мёнхенгладбахнинг "Боруссия" футболчиси Деннис Закария ва "Реал Мадрид" ярим ҳимоячиси Дани Себальос бўлиб турибди. Уларнинг иккаласи ҳам январь ойида римликлар таркибига бориб қўшилиши мумкин.
Олдинроқ, Моуриньо Конференциялар лигаси 3-туридан ўрин олган "Будё/Глимта"га қарши ўйиндан сўнг жамоанинг таркиби ҳақида шикоят қилган эди.
