«Тоттенҳэм» «Эспаньол» ҳужумчиси Раул де Томасга қизиқиш билдирмоқда, деб хабар берди TEAMtalk.
Манба берган хабарга кўра, «шпорлар» 27 ёшли испанияликни ҳужум чизиғини салоҳиятли кучайтириш сифатида кўрмоқда. Қайд этилишича, футболчига «Атлетико» ва «Лидс» ҳам даъвогарлик қилмоқда.
Де Томас 2021/22 йилги мавсумда «Эспаньол» таркибида 11 ўйинда майдонга тушиб, 6 та гол ва 2 та голли узатмани амалга оширди. Форвард ушбу мавсумда жамоанинг энг яхши тўпурари ҳисобланади.
Трансфермаркт.cом портали футболчининг нархини 12 миллион еврога баҳоламоқда.
