"Ювентус" бош мураббийи Массимилиано Аллегри жамоани деярли бир ҳафта клуб базасидан чиқармайди, дея хабар берди Sky Sport Italia нашри.

Сўнгги вақтлардаги қониқарсиз натижалар туфайли мураббий футболчиларни 1-6 ноябрь кунлари клуб базасида ушлаб қолади ва ўйинларга алоҳида тайёргарлик кўради, деймлади хабарда.

2-ноябрь куни "Ювентус" Чемпионлар лигаси доирасида "Зенит"ни қабул қилса, 6-ноябрь куни А Серия доирасида "Фиорентина" билан ўйин ўтказади.

Айни дамда Турин клуби Италия чемпионати жадвалида 9-ўринни эгаллаб турган бўлса, Чемпионлар лигасида 1-поғонада бормоқда.