"Yuventus" bosh murabbiyi Massimiliano Allegri jamoani deyarli bir hafta klub bazasidan chiqarmaydi, deya xabar berdi Sky Sport Italia nashri.

So‘nggi vaqtlardagi qoniqarsiz natijalar tufayli murabbiy futbolchilarni 1-6 noyabr kunlari klub bazasida ushlab qoladi va o‘yinlarga alohida tayyorgarlik ko‘radi, deymladi xabarda.

2-noyabr kuni "Yuventus" Chempionlar ligasi doirasida "Zenit"ni qabul qilsa, 6-noyabr kuni A Seriya doirasida "Fiorentina" bilan o‘yin o‘tkazadi.

Ayni damda Turin klubi Italiya chempionati jadvalida 9-o‘rinni egallab turgan bo‘lsa, Chempionlar ligasida 1-pog‘onada bormoqda.