Келиб чиқиши ўзбекистонлик бўлган россиялик миллиардер Алишер Усмоновнинг жияни Сарвар Исмоилов «Эвертон» клуби директорлар кенгаши аъзолигидан кетганини эълон қилди.
Қайд этилишича, Исмоилов «шахсий ва тиббий сабабларга кўра» директорлар кенгашини тарк этган. Шунингдек, у «Эвертон» аёллар жамоасида спорт ва тижорат директори лавозимини ҳам тарк этишга қарор қилган. Қарор дарҳол кучга киради, дея хабар беради инглиз клуби матбуот хизмати.
Қайд этилишича, Исмоилов шу йилнинг июль ойида «Эвертон» директорлар кенгашига қўшилган эди.