«Наполи» яримҳимоячиси Марек Ҳамшик ўзининг «ПСЖ»га ўтиши ҳақидаги хабарларга муносабат билдирди. Бу ҳақда «Goal.com» интернет-нашри хабар бермоқда.
«Менга «ПСЖ» ёқади. Клубда янги хўжайинлар пайдо бўлди, улар билан бирга жамоада катта салоҳият ҳам юзага келди. Мен у ерда спорт директори сифатида иш олиб бораётган Леонардони жуда ҳам ҳурмат қиламан», деди Ҳамшик.
«Мен ҳозир бор эътиборимни «Наполи»даги ўйинларимга қаратганман ва келажак ҳақида ўйлаётганим йўқ. Мени амалдаги шартномам бор ва Неаполда ҳамма нарса мени қониқтирмоқда», дея қўшимча қилди «Наполи»нинг словакиялик ҳужумчиси.













