"Лидс" клуби эгаси Андреа Радриззани клуб устози Марсело Бьелсани қўллаб-қувватлашини маълум қилди. У бу ҳақда шундай деди:
"Мен Марсело Бьелсани мураббийликка танлаб олганимда, буни қийинчиликлардан ҳоли бўлмаслигини билардим. Аммо биз уни ҳеч қандай шартсиз қўллаб-қувватлаймиз. Менимча, натижанинг бари майдондаги ўйинда намоён бўлади. "Лидс"даги фаолият, Бьелсанинг ўзи учун ҳам ҳаётидаги энг узоқ давом этгани бўлиб қолмоқда. Негаки, биз клуб сифатида уни доимо қўллаб келганмиз".
"Лидс" янги мавсумнинг 10та туридан атиги 2тасидан ғалаба қозона олган, холос. Жамоа ҳозир жадвалда 17 ўринни банд этиб турибди.
