"Вест Хэм" бош мураббийи Давид Мойес Европа лигаси баҳси олдидан ўз фикрлари билан ўртоқлашди. У ўйиндан олдинги матбуот анжуманида шундай дейди:
"Биз таркибда иложи борича ротация қилишга ҳаракат қиламиз. Мен эртага қайси футболчилар ўйин учун зарур бўлишини танлаб оламан. Аммо бунда ҳеч ким кафолатланган таркиб ўрнига эга бўла олмайди. "Генк"ни биламиз, улар бизга етарлича муаммо туғдира оладиган жамоа. Мен бу борада оптимал ечим изламоқдаман. Биз декабрь ойида, мураккаб ўйинлар олдинда турганини биламиз. Бизнинг тақвимимиз футболчилардан оқилона фойдаланишни талаб этади".
