Европа Лигаси гуруҳ босқич 4-тури доирасидаги «Лестер» - «Спартак» учрашувидан (1:1) кейин билдирилган фикрларни тақдим этамиз.
«Лестер» дарвозабони Каспер Шмейхел: "Ўйинда ғалаба қозониш керак эди. Ўйиннинг аксарият қисмида устунлик қилдик ва уларда бир нечта имкониятлар юзага келди ва гол уришди. Айни вақтда жуда кўп гол ўтказиб юборяпмиз, аммо ғалаба қозониш учун етарли вазиятларга эга бўлмоқдамиз".
«Лестер» ҳужумчиси Келечи Ихеаначо: "Бугун хафа қиладиган кеча бўлди, биз бепарво ҳолатда гол ўтказиб юбордик, аммо ўйинга қайта олдик. Сўнгги 10 дақиқа ичида рақиб жарима майдончаси атрофида бўлган ҳолда гол уриш учун барча имкониятлардан фойдаланишга ҳаракат қилдик. Энди кейинги икки учрашув учун эътибор қаратишимиз керак. Умид қиламанки, ғалаба қозонамиз ва юришимизни давом эттирамиз. Омад биз томонда бўлмади ва кейинги ўйинда у биз билан бўлишига умид қиламан. Икки вазиятдан фойдалана олмадик, ҳужум чизиғида кўпроқ ишлар қилишимиз керак. У бугун иш бермади. Ҳозир ҳамма тушкун ҳолатда, кейинги ўйинларга эътибор қаратишимиз керак. Аввал Премьер-Лига, кейинчалик эса Европа Лигасида ўсиш учун ҳаракат қиламиз."
«Спартак» ҳимоячиси Георгий Жикия: "Объектив фикр билдирганда «Лестер» бугун ўйинда ҳукмронлик қилди ва бизни ҳимояда ушлаб турди. Гол уриш учун яхши ҳудудларга кириб борди. Аммо, жамоам ва ўз номимдан айтадиган бўлсам, бу жуда ижобий натижа. Бугунги ўйинда пенальтини қайтарган Селиховни кўрсатиб ўтмоқчиман. Бизни чуқурдан чиқариб олгани ва ёрдам бергани учун миннатдорчилик билдираман. Курашни давом эттирамиз. Олдимизда муҳим ўйинлар кутиб турибди. Кўрамиз, қандай натижа қайд этар эканмиз".
«Спартак» бош мураббийи Руи Виториа: "Биринчи мақсадимиз - ҳимоя чизиғимизга яқин бўлиш ва рақибга чуқур кириб кетмаслиги учун бўш ҳудудлар бермаслик эди. Бу борада футболчиларим зўр ўйнашди. Биз бунга лойиқмиз, чунки яхши ўйин, муносабат намойиш этдик ва катта эътибор билан ҳаракат қилдик.
Виктор Мозес катта сифатларга эга ва шундай ўйинларда эркин ҳаракат қилади. Ушбу баҳсда бизда кўп имконият бўлмади, шунинг учун ҳужум қилаётганимизда кучли бўлишимиз керак. Виктор жуда яхши якунлади. Биз у ердамиз ва курашишимиз лозим. Охирги икки ўйинда ишонч билан киришамиз".
«Лестер» бош мураббийи Брендан Рожерс: "Ўйинда чиндан ҳам устунлик қилдик. Фикримча, яхши ўйин кўрсатдик. Тўпни йўқотганимиздан кейин ўз жарима майдонимизга қайта олмаганимиз зараримизга ишлади. Ўйиннинг учинчи қисмида бизда бироз сифат етишмади. Аммо, ўйинда ҳамма нарса бизга қарши ишлади".
