"Реал Мадрид" расмий сайти реконструкция қилинган "Сантьяго Бернабеу"да йиғма майса тизими қандай ишлашини кўрсатди. Янги тизим стадиондан йилига 300 кун давомида фойдаланиш имконини беради.
Майдон қисмларга бўлиб тозаланади ва тўғридан-тўғри стадионнинг ер ости омборига киради, бу ерда уни парвариш қилиш учун маҳсус фитолампалар ва суғориш тизими ўрнатилган. Бутун жараён автоматлаштирилган.
Майса тозалаш механизми ва ер ости омбори "Реал Мадрид" режасининг бир қисмидир. Клуб киберспорт, ресторанлар тармоғи, янги флагман дўкони, таъмирланган музейдан кўпроқ пул ишлашни ва онлайн дўконни ривожлантиришни хоҳлайди.
"Реал Мадрид" стадиондан йилига 300 кун, жумладан, концертлар, бизнес конференциялар, киберспорт турнирлари ва ҳатто баскетбол, теннис ва НФЛ ўйинларида фойдаланишни режалаштириган.
"Реал Мадрид" маълумотларига кўра, таъмирланган стадиондаги тадбирлар ғазнага қўшимча 150 миллион евро даромад олиб келади.
Эслатиб ўтамиз, "Бернабеу"ни реконструкция қилиш, ҳисоб-китобларга кўра, "Реал Мадрид"га 525 миллион еврога тушган. Бунинг учун клуб 30 йилга бўлаб тўлаш учун банкдан 575 миллион евро қарз олган.
