Украинанинг “Днепр” клуби базасида қизиқ воқеа содир бўлди. “Футбол уикэнд” маълумотига кўра, бош мураббий Хуанде Рамос клуб директори Андрей Степенконинг ай-фонини ўғирлаган. 

Айтилишича, улар меҳмонхонада клуб режалари ҳақида узоқ суҳбат қуришади. Кейин Степенко ўрнидан туриб кетади. Ўз хонасига бориб, телефонини стол устида қолдирганини эслаб қолади ва орқага қайтади. Лекин телефон жойида йўқ эди, Рамос эса ҳеч нарса кўрмаган экан. Бу воқеа меҳмонхонада овоза бўлиб кетди, лекин видеокамералар ҳам бор-ку, тўғрими? Тўполондан қўрқиб кетган Рамос меҳмонхона ходимларидан бирига телефонни бериб, бирор жойга ташлаб қўйишни сўрайди. Аммо видеокамерада Рамоснинг телефонни олгани яққол кўриниб қолди. 

Рамосга ай-фон нега керак бўлгани сирлигича қолмоқда. Ўлар жойда эмас-ку. Тахминларга кўра, мураббий телефон контактлари ичидан “Днепр” президенти Игорь Коломойскийнинг телефон рақамини қидирмоқчи бўлган. Рамос шу пайтгача Комолский билан учрашмаган экан.