Мадриднинг “Реал” клуби ҳужумчиси Винисиус Жуниор Мадрид клуби билан шартномасини 2028 йилгача узайтиради, дея хабар беради "ABC" нашри.
Манбанинг хабарига кўра, ҳужумчининг янги шартномасида унинг клубдаги йиллик маоши 5,5 миллион еврони ташкил қилиши кўрсатилган.
Қайд этилишича, Винисиуснинг маоши бонуслар ҳисобига сезиларли даражада ошиши мумкин.
Шунингдек, 21 ёшли бразилияликнинг "қаймоқранглилар" билан тузган янги шартномасида 1 миллиард евро миқдорида товон пули белгиланади.
Винисиус жорий мавсум “Реал” сафида 15та ўйинда майдонга тушиб, 9 гол урди ва 7та голли узатмага муаллифлик қилган.
