"Ювентус" ҳужумчиси Пауло Дибала тез орада туринликлар билан шартномасини узайтиради.
Аргентиналик футболчининг агенти Хорхе Антун шу ойда Италияга келиб, мижозининг туринликлар билан янги шартномасини имзолаш бўйича келишувни якунлашни режалаштирмоқда, дея хабар беради журналист Фабрицио Романо.
Ўз навбатида Дибала ҳам жамоа билан амалдаги шартномасини узайтириш ниятида.
Манба берган хабарга кўра, ҳужумчи туринликлар билан 5 йиллик шартнома имзолайди ва бир мавсум учун 8,5 миллион евро миқдорида маош олади. Шунингдек, яна 1,5 миллион еврони турли бонуслар кўринишида олиши кўзда тутилган.
Жорий мавсумда 27 ёшли аргентиналик футболчи “Ювентус” сафида 10та ўйинда майдонга тушиб, 6та гол ва 4 голли узатмани амалга оширди.
