Англия Премьер-Лигаси 11-тури доирасида «Арсенал» ўз майдонида «Уотфорд» клубини қабул қилади.
Биласизми?
Клаудио Ранери «тўпчилар»га қарши охирги 5 сафар ўйинини (АПЛда) бой бериб қўйган ва 11 уринишда бирор марта ғалаба қозона олмаган (4 дуранг, 7 мағлубият). «Арсенал» Ранерининг топ-5 чемпионатлардаги фаолияти давомида камида 5 марта тўқнаш келган ва мағлуб бўлмаган ягона жамоа ҳисобланади.
«Арсенал» ҳужумчиси Пер-Эмерик Обамеянг «Уотфорд»га қарши 5 АПЛ ўйинида олтита гол уришга муваффақ бўлган. 2019/20 йилги мавсумда бугунги рақиб билан ҳар иккала ўйинда дублга эришган.
5:2 ҳисобида сафарда «Эвертон» мағлуб этилганидан кейин, «Уотфорд» 2017 йил сентябридан бери (Марко Силва бошқарувида) биринчи марта кетма-кет икки сафар баҳсида ғалаба қозониши мумкин. Уларнинг Премьер-Лигадаги сафарда қўлга киритилган охирги 5 ўйини турли мураббийлар бошқарувида кузатилган: Хавиер Гарция, Кике Флорес, Наужел Пирсон, Хиско, Ранери.
Жорий мавсум «Арсенал» сафида бирорта футболчи АПЛда Эмил Смит Роудан кўра кўпроқ голли вазиятларда (5 гол, 2 ассист) иштирок этмаган. 21 ёшли хавбек АПЛдаги сўнгги 2 учрашувида гол уришга эришди. Лондонликлар тарихида фақатгина 3 футболчи 21 ёшгача клубнинг кетма-кет 3 ўйинида гол уришга муваффақ бўлган (Анелка, Хосе Антонио Реес ва Сеск Фабрегас).
Баҳс расмийлари
Бош ҳакам: Кевин Френд
Қанот ҳакамлари: Адриан Холмс, Симон Бек
Захира ҳаками: Мартин Аткинсон
ВАР: Жарред Жиллет
ВАР ёрдамчиси: Жеймс Мейнвейринг
Тахминий таркиблар
«Арсенал»: Ремздейл, Томиясу, Уайт, Магаляеш, Таварес, Локонга, Парти, Сака, Ляказетт, Роу, Обамеянг
«Уотфорд»: Фостер, Нгакиа, Экинг, Катҳарт, Массина, Сиссоко, Кутска, Сарр, Деннис, Клеверли, Кинг.
Жамоа хабарлари
Гранит Жака ҳали ҳам жароҳатидан фориғ бўлгани йўқ, аммо Киран Тирни тўлиқ машғулотларга қайтди ва ўйинга жалб этилади. Нуно Тавареш шундай бўлса ҳам ушбу позиция учун муносиб эканлигини кўрсатди. Мартин Эдегор ва Николя Пепе асосий таркиб учун ҳаракат қилишмоқда, бироқ ўтган ҳафтада «Лестер» устидан қозонган ғалабадан (2:0) кейин ўзгартирилмаслиги лозим.
Кабаселе, Этебо, Сема, Бааҳ жароҳати боис «Арсенал»га қарши ўйинни ўтказиб юборишади. Сиерралта ва Фменияда ҳам кичик жароҳат бор ва уларнинг қатнашиши сўроқ остида.
Рақамлар
«Арсенал»нинг барча мусобақаларда «Уотфорд»га қарши охирги 15 ўйинининг 13тасида ўртача 2,5тадан кўпроқ гол киритилган.
«Арсенал» барча мусобақаларда «Уотфорд»га қарши охирги 3 уй ўйинининг барчасида ғалаба қозонган.
«Арсенал» 7 учрашувдан бери мағлуб бўлмай келмоқда (Премьер-Лига).
«Арсенал» АПЛдаги сўнгги уч ўйинида камида иккитадан гол урган.
«Арсенал» ўз уйида «Уотфорд»га қарши охирги 3 уй баҳсида камида иккита гол киритган (барча мусобақаларда).
Жамоалар АПЛда ўзаро 14 марта тўқнаш келишган. 11 марта лондонликлар, 2 марта меҳмонлар ғалаба қозонишган. 1 ўйин дуранг натижа билан тугаган.
Эслатиб ўтамиз, ушбу баҳс бугун Тошкент вақти билан соат 19:00да бошланиши режалаштирилган.
