"Реал Мадрид" клуби устози Карло Анчелотти Эден Азар ва бошқа кетиш ниятини билдираётган футболчилар ҳақида гапирди. "Goal" нашри унинг фикридан иқтибос келтиради:
"Менинг мураббийлар штабим ҳеч қачон кетишни истаётган футболчиларни қолишга мажбур этмаган. Бундан кейин ҳам шундай бўлади. Менимча, бу ерда ортиқча гапнинг бўлиши мумкин ҳам эмас. Агар кимдир жамоани тарк этишни истаса, мауммо йўқ! Унга албатта кетиш имкони берилади. Бу борада ҳеч қандай шубҳа қилишга ҳожат йўқ".
Аввалроқ Анчелотти жамоаси, кечаги ўйинда "Райо Вальекано" устидан 2-1 ҳисобида ғалаба қозонгани ҳақида хабар қилинган эди.
