Россия Премер-лигасининг 14-тури доирасида «Урал» «Зенит»ни қабул қилди (0:0).

Петрбургликлар ҳужумчиси Сердар Азмун ушбу учрашувда асосий таркибида майдонга тушди. Бу эронлик форвард учун «Зенит» сафидаги 100-учрашувидир.

Азмун «Зенит»да 2019 йилдан буён ўйнаб келмоқда. Клуб таркибида форвард Россия чемпиони (2018/2019, 2019/2020, 2020/2021), Россия кубоги (2019/2020) ва Суперкубоги (2020/2021) соҳиби ҳисобланади.

«Зенит» 13 ўйинда 29 очко тўплади ва 2021/2022 йилги мавсумда Россия Премер-лигаси турнир жадвалида 1-ўринни эгаллаб турибди. Урал (10) 16-ўринда.