Колумбиялик ярим ҳимоячи Хуан Куадрадо "Ювентус" билан янги шартнома борасида келишиб олди. У жамоа сафида 2024 йилгача қолади, дея хабар берди журналист Николо Скира.
Келишув узайтирилгани ҳақида расмий эълон яқин вақтлар ичида эълон қилинади. Эслатиб ўтамиз, 33 ёшли футболчининг клуб билан амалдаги шартномаси шу мавсум якунида ниҳоясига етиши белгиланган.
Ортда қолган 2020/21 йилги мавсумда Куадрадо "зебралар" сафида 40 ўйинда майдонга тушиб, 2 гол ва 9 ассистни ҳисобига ёздириб қўйганди. Футболчи фаолияти давомида "Ювентус"дан ташқари "Челси", "Фиорентина" ва "Лечче" каби жамоалар шарафини ҳимоя қилган.
