"ПСЖ" спорт директори Аргентина терма жамоаси мураббийлар штаби Лионель Мессини ноябрь ойидаги терма жамоа ўйинларига чақириш ҳақидаги қарорига муносабат билдирди.
“Биз, ҳали жароҳатдан тўлиқ тикланмаган футболчининг терма жамоага чақирилишига қаршимиз. Бу ҳеч қандай маънога эга эмас ва ФИФА бундай вазиятларга қарши туриши керак ", дейди Леонардо.
Эслатиб ўтамиз, Месси жароҳати сабаб "ПСЖ"нинг сўнгги икки ўйинини ўтказиб юборган эди.
Таъкидлаш жоизки, Аргентина терма жамоаси ЖЧ-2022 саралаши доирасида 13 ноябрь куни Уругвай билан меҳмонда баҳс олиб борса, 17 ноябрь куни Бразилияни ўз уйида қабул қилади.
