«Ньюкасл» яқин соатларда Эдди Хаунинг бош мураббий этиб тайинланишини эълон қилиши керак. Таниқли журналист ва инсайдер Фабрицио Романонинг твиттердаги саҳифасида хабар беришича, 43 ёшли мутахассис аллақачон клуб билан 2024 йилнинг июнь ойи охиригача бўлган шартнома бўйича оғзаки келишувга эришган. Томонлар ўртасидаги келишув якуний босқичда.

Эслатиб ўтамиз, яқинда «Ньюкасл» янги хўжайинларига эга бўлди. Клуб Саудия Арабистони суверен жамғармаси бошчилигидаги консорциум томонидан сотиб олинган. Стив Брюс хўжайинлар алмашганидан кўп ўтмай бош мураббийлик лавозимини тарк этганди.