Ўзбекистон олимпия терма жамоаси 14 март куни Лондон-2012 олимпиядасининг учинчи саралаш босқичи, сўнгги тури доирасида БАА олимпия терма жамоасини қабул қилади.
Аввал хабар берилганидек, 29 февраль – 10 март кунлари Вадим Абрамов шогирдлари Туркияда йиғин олиб боришлари керак эди. Бироқ олимпиячиларимизнинг Мисрга қарши ўйини олдидан Анталия сафари бекор қилинди. Энди муҳим ўйин учун тайёргарлик кўрадиган таркиб аъзолари 7 март куни пойтахт Тошкентда тўпланишади.
Вадим Абрамов ушбу йиғинга 26 нафар футболчини жалб қилди. Улар орасида бир қатор янги номлар бор экани эътиборга молик.
9 март куни олимпия терма жамоаси 2та синов-назорат ўйинида майдонга тушади. Дастлаб 14:00 да «Локомотив» клубига қарши «Жар» стадионида ўйин бўлиб ўтса, 16:30 да «Машъал» билан Қибрайда тўқнаш келинади.
Қуйида БАА олимпия терма жамоасига қарши ўйин учун чақирилган футболчилар рўйхати билан танишинг.
| № | ФИО | Туғилган йили | Клуби | Амплуаси |
| 1 | Санжар Қувватов | 1990 | Машъал | дарвозабон |
| 2 | Элдорбек Суюнов | 1991 | Насаф | дарвозабон |
| 3 | Абдуқаҳҳор Ҳожиакбаров | 1989 | Бунёдкор | ҳимоячи |
| 4 | Ислом Тўхтахўжаев | 1989 | Локомотив | ҳимоячи |
| 5 | Салим Мустафоев | 1991 | Динамо | ҳимоячи |
| 6 | Бобур Омонов | 1990 | Бухоро | ҳимоячи |
| 7 | Шерзод Аъзамов | 1990 | Насаф | ҳимоячи |
| 8 | Шукурали Пўлатов | 1990 | Нефтчи | ҳимоячи |
| 9 | Рустам Аъзамов | 1992 | Локомотив | ҳимоячи |
| 10 | Жаҳонгир Меҳмонов | 1990 | Навбаҳор | ҳимоячи |
| 11 | Мурод Холмуҳаммедов | 1989 | Пахтакор | ҳимоячи |
| 12 | Зоҳир Пиримов | 1990 | Олмалиқ | яримҳимоячи |
| 13 | Жавлон Иброҳимов | 1990 | Бунёдкор | яримҳимоячи |
| 14 | Дилшод Раҳматуллаев | 1989 | Олмалиқ | яримҳимоячи |
| 15 | Олег Зотеев | 1989 | Олмалиқ | яримҳимоячи |
| 16 | Жасур Ҳасанов | 1989 | Бухоро | яримҳимоячи |
| 17 | Ойбек Қиличев | 1989 | Пахтакор | яримҳимоячи |
| 18 | Фозил Мусаев | 1989 | Насаф | яримҳимоячи |
| 19 | Шерзод Каримов | 1989 | Пахтакор | яримҳимоячи |
| 20 | Темурхўжа Абдухолиқов | 1991 | Пахтакор | ҳужумчи |
| 21 | Кенжа Тўраев | 1989 | Насаф | ҳужумчи |
| 22 | Иван Нагаев | 1989 | Динамо | ҳужумчи |
| 23 | Николай Гурьянов | 1990 | Локомотив | ҳужумчи |
| 24 | Абдумалик Абдуллаев | 1989 | Навбаҳор | ҳужумчи |
| 25 | Отабек Валижонов | 1989 | Шўртан | ҳужумчи |
| 26 | Отабек Исроилов | 1989 | Нефтчи | ҳужумчи |
