"Барселона" ҳужумчи Усмон Дембеленинг янги шартномасидаги маоши учун махсус формула ишлаб чиқмоқчи.
"Sport.es" нашри хабарига кўра, Каталония клуби директори Матеу Алемани Дембеле учун "Барселона"нинг оғир молиявий аҳволини мувозанатлаштирадиган таклиф тайёрлашга ҳаракат қилмоқда.
24 ёшли франциялик футболчининг янги келишувга кўра маоши майдонда ўтказган вақтига боғлиқ бўлиши кўзда тутилган. "Барселона" Дембеленинг белгиланган маошини қисқартириб, унинг ўрнига ўйинда ўтказган дақиқаларига қараб бонуслар бермоқчи.
Эслатиб ўтамиз, Дембеленинг "Барселона" билан шартномаси 2022 йилнинг ёзига қадар мўлжалланган. Жорий мавсум ҳужумчи барча турнирларда битта ўйин ўтказди ва самарали ҳаракатлари билан ажралиб турмади.
