"Barselona" hujumchi Usmon Dembelening yangi shartnomasidagi maoshi uchun maxsus formula ishlab chiqmoqchi.
"Sport.es" nashri xabariga ko‘ra, Kataloniya klubi direktori Mateu Alemani Dembele uchun "Barselona"ning og‘ir moliyaviy ahvolini muvozanatlashtiradigan taklif tayyorlashga harakat qilmoqda.
24 yoshli fransiyalik futbolchining yangi kelishuvga ko‘ra maoshi maydonda o‘tkazgan vaqtiga bog‘liq bo‘lishi ko‘zda tutilgan. "Barselona" Dembelening belgilangan maoshini qisqartirib, uning o‘rniga o‘yinda o‘tkazgan daqiqalariga qarab bonuslar bermoqchi.
Eslatib o‘tamiz, Dembelening "Barselona" bilan shartnomasi 2022 yilning yoziga qadar mo‘ljallangan. Joriy mavsum hujumchi barcha turnirlarda bitta o‘yin o‘tkazdi va samarali harakatlari bilan ajralib turmadi.
