"Манчестер Юнайтед" раҳбарияти Оле-Гуннар Сульшерни жамоа бош мураббийлигидан бўшатишни режалаштирмаяпти, дея хабар берди журналист Фабрицо Романо. Директорлар кенгашининг аксарияти ҳали ҳамон норвегияликка ишонишади.

Маълум қилинишича, фақатгина "қизил иблислар" эгаси Жоел Глейзер мураббийнинг қолиш қарорига таъсир ўтказиши мумкин, аммо ундан ҳозирча ҳеч қандай хабар келмаган.

Ҳозирда клуб ҳеч ким билан музокара ўтказмаяпти.

Эслатиб ўтамиз, "Манчестер Юнайтед" сўнгги 12 учрашувнинг 6тасида мағлуб бўлган. Жамоа Премьер-лига турнир жадвалида 6-ўринни эгаллаб, тўртинчи ўриндан 5 очко, биринчи ўриндан 9 очкога ортда қолмоқда.