"Manchester Yunayted" rahbariyati Ole-Gunnar Sulsherni jamoa bosh murabbiyligidan bo‘shatishni rejalashtirmayapti, deya xabar berdi jurnalist Fabriso Romano. Direktorlar kengashining aksariyati hali hamon norvegiyalikka ishonishadi.
Ma’lum qilinishicha, faqatgina "qizil iblislar" egasi Joyel Gleyzer murabbiyning qolish qaroriga ta’sir o‘tkazishi mumkin, ammo undan hozircha hech qanday xabar kelmagan.
Hozirda klub hech kim bilan muzokara o‘tkazmayapti.
Eslatib o‘tamiz, "Manchester Yunayted" so‘nggi 12 uchrashuvning 6tasida mag‘lub bo‘lgan. Jamoa Premyer-liga turnir jadvalida 6-o‘rinni egallab, to‘rtinchi o‘rindan 5 ochko, birinchi o‘rindan 9 ochkoga ortda qolmoqda.
