Қозоғистоннинг Атирау шаҳрида ўсмирлар ўртасида халқаро турнир ташкил этилди. Мусобақада 240 нафардан ортиқ 2008-2009 йилларда туғилган боксчилар совринли ўринлар учун кураш олиб боришди. Улар қаторида ўзбекистонлик чарм қўлқоп усталари ҳам баҳсларда қатнашишди.

Беллашувларда иштирок этган боксчиларимизнинг 6 нафари совриндор сифатида юртимизга қайтди. Эътиборлиси, уларнинг 4 нафари олтин медалга эга чиқди.

Терма жамоамиз таркибида қуйидаги боксчилар совриндор бўлишди:

Олтин:

*-36 кг: Беҳруз Қурбонов
*-36 кг: Муҳаммадқодир Аҳмедов
-38 кг: Жонибек Салимов
-63 кг: Жаҳонгир Эргашев

Кумуш:

-40 кг: Искандар Саидов

Бронза:

-44 кг: Афруз Толипов

*-Мусобақа иштирокчилари кўплиги сабабли баҳслар икки гуруҳга бўлиб ўтказилди ва ҳар икки боксчимиз ўз гуруҳларида олтин медални қўлга киритишди.