Бразилиянинг "Палмеирас" клуби "МЮ" ҳужумчиси Эдинсон Каванини қишки трансферлар ойнасида сотиб олишга қаттиқ ҳаракат қилади. Бу ҳақда клубнинг вице-президенти Пауло Буоши маълум қилди.
Унинг айтишича, жамоа тез орада ўз таркибини кучайтиришга бел боғлаган. Шу сабаб қишда бир нечта трансферлар учун пул ажратишни режалаштирган. Кавани билан бирга, клуб "Торонто" жамоаси ҳужумчиси Еферсон Сотельдога ҳам қизиқиш билан қарамоқда.
Эслатиб ўтамиз, "Палмеирас" клуби Либертадорлар кубогининг финалига йўл олган. Жамоа финалда "Фламенго" билан куч синашади.
