"Mundo Deportivo" нашри хабарига кўра, "Барселона" ҳужумчиси Ансу Фатининг жароҳати кутилганичалик жиддий эмас.
Маълумотларга кўра, дастлаб 19 ёшли испаниялик чап соннинг бицепс мушаклари шикастлангани учун 4-6 ҳафтани ўтказиб юборишга мажбур бўлган. Хабар қилинишича, форвард аввал Криштиану Роналду билан бирга ишлаган физиотерапевтнинг олдига ташриф буюрган. Мутахассис эса Фати 3 ҳафтадан сўнг майдонга қайтиши мумкин деган хулосага келди.
2021/22 йилги мавсумда Фати "Барселона" сафида 8та ўйин ўтказиб, 4 гол ва 1та голли узатмани амалга оширди.
