Англия терма жамоасининг собиқ аъзолари Френк Лемпард ҳамда Стивен Жеррардлар "Астон Вилла" мураббийлигига энг асосий номзодлардир. "Daily Telegraph" нашри берган хабарда айтилишича, "Рейнжерс" устози Жеррард "Астон Вилла"га келиш учун қизиқиш билдирган.
Шунингдек, Лемпард ҳам. Қолаверса, Лемпард "Норвич" учун ҳам асосий фигура сифатида кўрсатилганди. Бироқ "Тоттeнхэм"нинг собиқ устози Гарри Редкнапп(Лемпарднинг тоғаси) Френк учун кўпроқ "Астон Вилла" жамоаси мослигини таъкидлаб ўтди.
Жеррард ўтган мавсум жамоасини Шотландия чемпиони қилганди. У яқин келажакда АПЛда ишлашни истайди.
