"Реал Мадрид" футболчиси Гарет Бейл қишки трансферлар ойнасида яна "Тоттенхэм"га қайтиши мумкин. "Fichajes" нашрига кўра, "шпорлар"нинг янги устози Антонио Конте Бейлни жамоага фойдали деб ҳисоблайди.
Шу сабаб январь ойида футболчини ижара асосида Лондонга қайтаришга ҳаракат қилади. Хабарда, шунингдек, Бейл ярим мавсумда давомида ўзини кўрсата олса, "Тоттенхэм" у билан доимий битим тузиши айтилган.
Бейл ўтган мавсумда "Тоттенхэм" сафида 34 марта майдонга тушиб, 16та гол ва 3та ассист муаллифига айланган эди. Янги мавсумда эса, уелслик футболчи "Реал"да 3 марта асосий таркибда майдонга туширилди. У аввалроқ тиззасидан жароҳат олган эди.
