"Real Madrid" futbolchisi Garet Beyl qishki transferlar oynasida yana "Tottenxem"ga qaytishi mumkin. "Fichajes" nashriga ko‘ra, "shporlar"ning yangi ustozi Antonio Konte Beylni jamoaga foydali deb hisoblaydi.
Shu sabab yanvar oyida futbolchini ijara asosida Londonga qaytarishga harakat qiladi. Xabarda, shuningdek, Beyl yarim mavsumda davomida o‘zini ko‘rsata olsa, "Tottenxem" u bilan doimiy bitim tuzishi aytilgan.
Beyl o‘tgan mavsumda "Tottenxem" safida 34 marta maydonga tushib, 16ta gol va 3ta assist muallifiga aylangan edi. Yangi mavsumda esa, uyelslik futbolchi "Real"da 3 marta asosiy tarkibda maydonga tushirildi. U avvalroq tizzasidan jarohat olgan edi.
