"Манчестер Юнайтед" футболчиси Поль Погба клуб билан янги битим тузишга рози бўлган. "MEN"(Manchester Evening News) нашри хабарига кўра, француз ярим ҳимоячиси мавсум якунланмасдан туриб, "МЮ" билан шартномасини узайтириш мақсадида. Аммо масаланинг бошқа тарафи ҳам мавжуд.
Погба янги шартнома тузиш орқали АПЛ тарихидаги энг кўп маош олувчи футболчига айланишни ният қилган. Манбада таъкидланишича, 28 ёшли футболчи Манчестерда қолиш орқали ҳафтасига 500 минг фунт топишни истайди.
Бошқа нашрларда, шунингдек, Погбанинг "Ювентус"га йўл олиши мумкинлиги айтилади. Футболчи учун "Реал" ва "ПСЖ" асосий даъвогарлар сифатида кўрсатилган.
