"Борнмут", "Арсенал" ва "Вест Хем" клубларининг собиқ ярим ҳимоячиси Жек Уилшир тез орада фаолиятини якунламоқчи эканлигини ҳақидаги саволга жавоб берди.
- "Фаолиятимни якунлаш? Бу мавзу ҳақида ўйлаб кўришим керак. Ҳозир мураббийлик билан шуғулланяпман ва шундай имконият борлигидан миннатдорман. Лекин шу билан бирга юқори савиядаги футбол кўрсата олишимга ишончим комил. Айтишим керакки, Англиядан ташқаридаги баъзи вариантлар менга мос келиши мумкин", - деди Уилшир.
29 ёшли футболчи ўтган йили Чемпионшипда "Борнмут" сафида ҳаракат қилган эди. Ёзда унинг шартномаси ниҳоясига етди ва у ҳозирда клубсиз.
