"Манчестер Сити" футболчиси Кевин Де Брёйне Жаҳон чемпионатини ҳар икки йилда ўтказиш ғоясини қўллаб-қувватлайди. У бу ҳақда шундай дейди:
"Мавсум бошида мен ФИФА ҳамда Арсен Венгер билан ушбу фикр юзасидан учрашув ўтказган эдим. Бундай режани амалга ошириш учун дунёнинг барча футбол ташкилотлари ҳамжиҳатлик билан ҳаракат қилиши керак. Бунда ҳамма бирга ишлаши лозим. Менимча, бу ғоя ёмон эмас. Бу учун олдин айтганимдек, ҳамжиҳатлик керак бўлади".
Эслатиб ўтамиз, ушбу ғояни АПЛ расман инкор қилган. Европадаги қолган футбол ташкилотлари ҳам бунга қарши чиқиши кутилмоқда.
